हुम तमु

पोखरा, २१ माघ / सहारा क्लव पोखराको आयोजनामा पोखरा रंगशालामा जारी अन्तराष्ट्रियस्तरको आहा गोल्ड कपको आठौं संस्करणको उपाधिका लागि चिरपरिचित प्रतिद्वन्द्वी नेपाल आर्मी र नेपाल पुलिस क्लव खेल्ने भएको छ ।

आजको अन्तिम सेमिफाईनल खेलमा नेपाल आर्मीले न्यूरोड टीम एनआरटीलाई २/१ ले पराजित गर्दै फाईनल प्रवेशपछी शनिबार सातौं आहागोल्डकपको विजेता पुलिसले उपाधि रक्षा र आर्मीको लागि गतवर्षको बदला लिने रुपमा प्रस्तुत हुने भएका छन ।

आजको जितसागै आर्मीले गत सालको विजेता पुलिससाग बदला लिने मौका समेत पाएको छ । पुलिसका राम्रा खेलाडीहरु जुमानु राई, चेतन घिमिरे, भोला सिलवाल, योगेस श्रेष्ठ, सुमन घिमिरे र रविन श्रेष्ठ सागका लागि वंगालदेशमा रहेकाछन । गत वर्षपनि यी दुई विभागीय टोलिबीच उपाधीका लागि प्रतिष्पर्धा भएको थियो । गत साल भएको प्रतिष्पर्धामा नेपाल पुलिस क्लवले आर्मीलाई ५/० ले पछि पार्दै चौथो पटक उपाधी उचालेको थियो ।

नेपाल आर्मी र एनआरटीबीच आज भएको प्रतिष्पर्धात्मक खेलमा जर्सि नम्बर १० का विकर्ण श्रेष्ठको २ गोलको मद्धतले नेपाल आर्मी बिजयी भएको छ । विकर्णले खेल शुरु भएको ६ मिनेटमै गोल गर्दै आर्मीको तर्फबाट खाता खोलेका थिए । खेलमा चम्किएका उनले ३२ औं मिनेटमा पुनः अर्को गोल गर्दै आर्मीको जितलाई सुनिश्चित पारेका थिए । पराजित टीम एनआरटीका सायन मुसाविले खेलको २४ औं मिनेटमा सान्त्वना गोल गरेका थिए ।

आजको जितका लागि २ गोलको योगदान दिएका आर्मीका विकर्ण श्रेष्ठ म्यान अफ दी म्याच घोषित भएका छन् । उनी क्वाटरफाइनलमा मछिन्द्रसागको खेलमा पनि म्यान अफ दी म्याच घोषित भएका थिए । विकर्ण अहिलेसम्म ४ गोल गर्दै सर्वाधिक गोलकर्ता बनेका छन् भने सबैभन्दा छोटो अवधि ६ मिनेटमा गोल गर्ने खेलाडी समेत बनेका छन ।

आर्मिले क्वाटरफाइनलमा काठमाण्डौको मच्छिन्द्र क्लबलाई ४/१ को फराकिलो गोल अन्तरले पराजित गरि सेमिफाइनलमा प्रबेश गरेको थियो । यस्तै एन आर टि ले सहारा एफसि युकेलाई टाईब्रेकरमा पराजित गरि सेमिफाइनलको यात्रा तय गरेको थियो । एनआरटि ले पि्रक्वाटर फाइनलमा नाइट चेस झापालाई पराजित गरेको थियो भने आर्मीले बाइ पाएर सिधै क्वाटरफाइनलमा प्रवेश गरेको थियो ।