तमु साँस्कृतिक प्रतिष्ठान नेपालले नवौं विद्यार्थी सम्मान तथा पुरस्कार वितरण कार्यक्रम गर्ने भएको छ ।

प्रतिष्ठानद्वारा आज आयोजित पत्रकार सम्मेलनमा यही माघ २४ गते आइतबार उक्त कार्यक्रम गरिने जानकारी गराइएको हो । उच्च शिक्षा हाम्रो लक्ष्य भन्ने नाराका साथ अघि बढेको सो प्रतिष्ठानले कार्यक्रममा २०६५ सालको प्रवेशिका परीक्षामा उत्तीर्ण मध्ये सर्वाधिक अंक ल्याउने तमु विद्यार्थीहरुलाई सम्मान तथा पुरस्कृत गर्ने प्रतिष्ठानका अध्यक्ष झम तमुले जानकारी दिनुभयो ।

पोखरा सभागृहमा आयोजना हुने कार्यक्रममा यस वर्ष सम्मानित तथा पुरस्कृत हुने छात्र छात्राहरुमा सार्वजनिक विद्यालयतर्फ मंगला उच्च मावि सोती पसल लमजुङका आकाश तमु, राष्ट्रिय उच्च मावि पूरानो टुडीखेल पोखराका विनिता तमु र निजी विद्यालयतर्फ देवदह अंग्रेजी आवासीय मावि रुपन्देहीका जोसेफ तमु, ग्राण्डि अंग्रेजी आवासीय माविका रेश्मा तमु लगायत रहेका छन् ।